OLAY

高效透白光塑淡斑精華

用緊第3支，仲買多左支olay prox升級版下次試。呢隻係第一支實測有效嘅美白產品，就算冇同其他人提起，人地都會主動問我係咪白左，效果好顯著。不過記得要乖乖地keep住每日用，因為我買第二支戈陣係用下轉下其他精華，就唔多覺有白到，始終肌膚更新周期係28日，要持續用先見效。佢啲樽愈出愈靚，幾鍾意。質地有啲似乳液，易推開唔笠，比其他以維他命c美白嘅產品清爽好多（因為呢隻係煙酰胺）。但有個缺點係佢個樽口設計唔係擠壓式軟滴管，而係要轉開個蓋再按壓吸。當用到冇乜嘅時候成日會轉唔開/吸唔到，搞到後期次次都唔敢轉實個蓋（但咁樣就易倒瀉），希望佢會改善下個設計。