Mustela

有機認證牛油果萬用修護霜

多謝cosme邀請試用，收到試用嘅時候適逢新年最凍戈幾日，keep住用左兩星期再返黎寫review～

首先包裝風格討喜，顏色係低飽和度嘅綠，睇落好舒服。味道方面我本身預計會係牛油果味/草青味，但聞落又唔多似。我自己對味道冇咩所謂，最緊要係功效，而且因為事前都知道佢係無添加香料，有定心理準備。如果真係好介意味道嘅人要小心啦～

質地方面，佢係好易推開，類似市面大部分嘅handcream嘅texture，我本身好驚佢會好油，但其實反而係好清爽，吸收得好快（利伸乾肌，油肌可能感覺唔一樣都未定？），搽勻上臉過一陣已經唔笠，唔會好似成層油浮係臉咁，呢樣係加好多分。不過可能因為咁岩撞正新年好凍，濕度得20幾30%，我覺得佢未夠潤。到後尾40幾50%濕度再用返就ok，訓醒塊臉係彈潤感覺。

因為佢係多用霜，我都有用黎搽手搽身，感覺會適合過搽臉，因為個滋潤度會岩岩好。總體黎講，如果用作臉霜，我會推薦係春/夏/秋三季用，冬天就等氣溫有返16度以上濕度40以上再用，如果唔係應該唔夠力。用作手霜body lotion就一年四季都適用。