Charlotte Tilbury

魔法面霜

多謝cosme抽中派發試用品～
首先想同staff講聲唔好意思先啊
因為一啲私人原因直到截止日期後
我先輾轉收到份禮物仔🥹🙏🏻
試用後依家講下個產品體驗先～
🌸🌸🌸🌸🌸🌸🌸🌸🌸🌸

今次一共收到兩份試用產品：

1. CHARLOTTE'S MAGIC CREAM 魔法面霜
2. AIRBRUSH FLAWLESS FINISH POWDER輕盈無瑕蜜粉🌸🌸🌸🌸🌸🌸🌸🌸🌸🌸

✴️ 魔法面霜 ✴️

首先想講迷你裝真係好可愛好袖珍 🤣
上官網見到個正品裝係切割面嘅玻璃樽身
個設計好靚好想入手🥹💕

我自己膚質係混合偏乾，T區易出油，
但同時個鼻頭同臉頰好易乾燥脫皮🥲
呢期轉季、天氣轉乾都物色緊岩用嘅面霜，
因為多數一係唔夠潤，一係潤到油光滿面..

實際用魔法面霜嘅感覺係
首先佢味道係幾典型嘅面霜味🤣
本身有少少期望會有特別嘅香味，
但另一方面睇可能都代表佢冇落咁多香料～
至少係我試用期間係冇任何過敏情況🙏🏻

質地方面係好易推開好滑嘅cream狀，
上臉唔會覺得笠，按摩好快吸收，
令我驚喜嘅係如果夜晚開冷氣
好多時候訓醒會發覺面霜吸乾曬🫠
但charlotte呢隻就算冷氣房一覺訓到天光，
起身會發覺皮膚唔係乾身抽曬水份，
而係好彈好潤，貼隻手上去會啜得起塊臉戈種～

試過係化妝前用做底霜，呢個天氣用完，
化妝定妝，可以hold到唔會緊繃乾燥脫皮
亦都令個粉底貼服啲冇咁易浮粉～
凍啲就要再觀察先知夠唔夠潤喇～
整體黎講推介俾偏乾肌嘅朋友仔，
我估油肌朋友應該會嫌太潤身唔夠乾爽～
如果有興趣可以考慮黎緊冬季入手✨🫶🏻

🌸🌸🌸🌸🌸🌸🌸🌸🌸🌸

✴️ 輕盈無瑕蜜粉 ✴️

由於今次個蜜粉係mini size，
用作全面上會有啲唔方便～🙈
所以我主要用黎當眼部定妝粉咁用🤣
粉質係好細膩嘅，用係眼部其實都幾適🈴️
我眼部有暗沉情況，拎佢黎打底都有改善🫶🏻
尤其係因為粉質夠幼，就算眼部定妝都唔顯細紋！
配合返個面霜局部試用係面部，
會覺得個妝好似精緻左咁 ✨ 💖 😆
如無意外應該會回購～