MAYBELLINE

FIT ME！柔滑遮瑕膏

多謝@cosme 抽中我試用Maybelline Fit Me柔滑遮瑕膏😊今次試用嘅色號係07號，我平時上妝唔係經常用遮瑕膏，通常係皮膚唔穩定，有紅印/生暗瘡等等嘅問題先會用遮瑕膏。由於唔係日日用，係有皮膚明顯嘅小問題先想用遮瑕膏，所以我對遮瑕膏嘅遮瑕度要求會比較高，想搽左之後可以遮蓋到最少7-8成，咁先達到我心目中理想嘅效果😀

今次試呢隻07號，可能因為顏色偏淺，推開之後，好似冇乜遮瑕力，圖中我示範遮我面上啲墨係搽左幾層嘅效果，呢隻遮瑕膏嘅好處係，疊加幾層，都唔會太厚重，但係會因為份量多，會有越黎越白但仲係明顯見到我面上嘅墨嘅感覺，雖然係有減淡到，但係如果我要用黎遮暗瘡印/剛冒起紅紅嘅暗瘡，睇黎呢隻顏色都唔會對我嘅妝容有加乘效果，有少少可有可無嘅感覺🥲

我覺得我今次對於遮瑕膏會有少少失望，係因為粉底液做到我想要嘅效果就會對遮瑕膏有期望，好可惜今次未能收到一隻合適嘅色號，所以今次試用比唔到更高嘅評價比呢枝遮瑕膏，我睇完官網有嘅色號覺得如果我收到10號或者20號嘅話，成件事會唔同，所以大家有興趣想買嘅，記得去睇下實物試下色先，咁就最穩陣啦～😉

評一評今次遮瑕膏：
07號遮瑕度：⭐️⭐️ (唔太適合我膚色）
好推易用度：⭐️⭐️⭐️
CP值：⭐️⭐️⭐️⭐️