BOBBI BROWN

蟲草修護精華氣墊粉底

好開心收到@cosme嘅試用邀請，呢幾日又開始凍番，呢一個Ultra Facial Cream黎得好合時❤️
我本來皮膚比較薄，一到凍啲嘅天氣就會好易乾，同埋甩皮，早幾日收到個陣已經即刻開黎用！
佢質地綿滑，即使係好乾嘅面上，拎小小就已經可以輕鬆推開，好易吸收。我特別係甩皮位置重覆重點地搽多一層厚小小，第二日起身個時，甩皮位置變得水潤有光澤左好多！睇落bling bling 好飽滿！持續用左幾個晚上，已經再冇甩皮嘅情況，皮膚狀況亦都穩定左，冇咁易乾同泛紅！化妝前都有用到，好好咁保濕左之後上粉底冇咁容易卡粉，呢個天氣用真係岩哂，大推！👍🏻❤️

多謝cosme邀請試用，一收到十分有驚喜，因為佢哋嘅黑金色包裝高級感max!!!特別係cushion, 凹凸紋設計好有質感!

我屬於偏乾肌膚，平時因為怕會浮粉，所以都比較少用粉底液，但呢個蟲草粉底唔單止用上去唔會咁乾，妝前做好保濕之後，小量多次上粉底，finishing有一種奶油肌嘅感覺❤️ 一試愛上！而且質地水潤但又唔會好厚重，輕輕一推，延伸能力好好，而且仲keep住好輕薄，用小小就上到全臉。出完一日街，都冇話好卡粉，妝感仍然係好透好自然🫶🏻

有時候出門口趕時間，唔用粉底液就會用同系列嘅氣墊粉底。佢同蟲草粉底一樣，都係好保濕，好容易就有一種水潤嘅奶油妝感，粉撲好軟熟，好容易就將粉底液推開，唔會話一達達，出街帶佢補妝好輕鬆！

總括而言，呢兩樣產品都比較適合我呢個乾皮膚嘅人，以前因為怕會乾而成日好驚用粉底，但呢個蟲草系列改變左我嘅諗法！搽上面嘅時候，就好似搽護膚品一樣輕鬆，但又可以做到粉底，應要有嘅遮瑕力，締造奶油肌，相信冬天用，效果會更靚！❤️