SK-II

護膚精華 (神仙水)

一直都聽過好多次神仙水嘅好評，多謝今次@cosme 嘅試用邀請，等我呢個小資女可以試下佢😂

了解過後，先知神仙水唔係一般嘅化妝水或者爽膚水，而係一支精華水！一知道個下，都有啲驚佢係一支比較黏笠，補濕到會焗住皮膚個d精華水。 但係一倒出嚟嘅時候就有驚喜，倒出嚟係流動性高嘅精華水，睇圖片就可以見到，到出嚟嗰個份量，精華水嘅延展性好高，只要用好少份量就足以搽晒面嘅其中一個部份，而且好快就吸收晒，質地輕薄清爽，完全消除左我本來對精華水就一定好厚，好‘杰’嘅諗法！

連續用左14日，最大嘅改善係睇到皮膚嘅狀態穩定咗好多。用之前皮膚狀況唔太穩定，因為近排轉天氣嘅原因成日泛紅，比較乾，毛孔都有啲粗大。每晚堅持用神仙水，再配合一般保濕嘅面霜，皮膚嘅狀態慢慢穩定，睇落滋潤咗好多，泛紅嘅問題都少咗，毛孔亦都有明顯收細到。相信之後入冬，改善皮膚問題嘅效果會再更加明顯！

如果比較有預算，神仙水都會係一個唔錯嘅選擇！