FINO

高效滲透修復髮膜

呢盒真係一盒價錢又平，又有效果嘅產品，對比起坊間好多護髮素，佢嘅滋潤效果更勝一籌

我之前係用Tsubaki嘅金色盒護髮膜，嗰一隻會係金黃色，油膩感會比較重一啲，洗完頭髮第二日起身會覺得有少少薄膜喺頭髮度。但呢一盒效果係介乎護髮素同金色個盒之間，唔會過分滋潤導致黏笠，但係效果又比護髮素更加滋潤！

佢嘅質感比起一般護髮素會再杰身一啲，好似一盒藥膏咁。我會係濕頭髮用佢，搓匀每撮頭髮，之後等大約5分鐘，之後洗走。佢嘅滋潤效果都幾明顯，用咗一個月左右，見到頭髮開叉嘅問題明顯減少，雖然唔係完全消失。而且梳頭嘅時候都順滑左，因為梳頭而甩嘅頭髮都少咗。最重要係，出街嘅時候會見到頭髮明顯滑左，影相都會見到光滑一啲。

用係頭髮嘅產品，我都會擔心會唔會好多化學成份，不過呢款產品冇乜強烈嘅化學味道，反而有少少天然花香！

而且每日都要沖涼洗頭，性價比當然係另外一樣好重要嘅因素，呢盒護髮膜四十幾至五十幾蚊就有得成交，一個星期用幾次，絕對唔會肉痛，推介！

不過留意佢滋潤效果都幾明顯，所以如果頭髮本身比較扁塌嘅朋友，就淨係用喺髮尾好啦，否則成個頭都好容易第二日望落好塌！