KERASTASE

防掉髮輕盈浴髮乳

感謝kerastase 抽中我試用「Genesis 雙重防掉髮護理系列」

我1-2年前都無掉髮既問題，直到疫情，中過一次同第二次之後就開始出現掉髮問題。講真，真係好困擾。作為一個女仔真係最唔想見到有掉髮既問題，所以呢年來試左好多方法。但一直都無選擇專門髮護既鋪頭，因為價錢既問題。所以好開心今次被抽中可以有機會試用到❤️

首先講下包裝先啦，佢全系列都係粉紅色，好容易就分到係咩。雖然我本人就唔好粉紅色，但我覺得佢值得加分既地方係可以肉眼睇到入面既洗髮水。
倒出來係透明，仲有一陣陣既清爽果香味。簡單形容就係令人身心放鬆既氣味，唔係過於濃郁，但又可以keep到差唔多一日，好驚喜。

到最重要就係佢既功效，咁我自己既習慣係洗兩次頭，接近每日一次。有出街既日子一定會洗，如果無出街就會隔日洗。佢最令我感到十分滿意既夜晚洗頭隔日成日都可以保住個蓬鬆感同埋清潔感。當然係人係香港咁熱既天氣就算有冷氣都一定會流汗既日子裡面，佢都可以保持到成日差不多既效果我覺得好厲害。然後更加可以減少左我生頭痕，同頭紅既問題我都好佩服。但如果話到左隔一日先洗既話就效果大減，所以一日一洗會岩用d，但最起碼就算隔一日先再洗頭痕既問題大大減少。

不過講到防掉髮呢樣說無咩感覺，但我覺得因為試用14日就睇到效果係無咩可能既，但如果照我岩岩上面講既反應來睇長期係會減少掉髮。

經濟能力許可既我推薦用喔！