KERASTASE

防掉髮修護護髮膜

感謝kerastase 抽中我試用「Genesis 雙重防掉髮護理系列」

我1-2年前都無掉髮既問題，直到疫情，中過一次同第二次之後就開始出現掉髮問題。講真，真係好困擾。作為一個女仔真係最唔想見到有掉髮既問題，所以呢年來試左好多方法。但一直都無選擇專門髮護既鋪頭，因為價錢既問題。所以好開心今次被抽中可以有機會試用到❤️

首先講下包裝先啦，佢全系列都係粉紅色，好容易就分到係咩，可惜我本人就唔好粉紅色。同系列既全部都統一一鼓清爽果香味。簡單形容就係令人身心放鬆既氣味，唔係過於濃郁，但又可以keep到差唔多一日，好驚喜。

到最重要就係佢既功效，髮膜呢類產品其實就唔應該成日用，最盡都係每個星期一次。密到兩星期三至四次都可以既。我自己用髮膜就直接忽略左護髮素呢個步驟，因為佢都係需要印乾頭髮再抹上去等5分鐘。出到來既效果都係好順滑，同護髮素既功效差不多。我自己就覺得佢係比有做造型既人士用，因為做造型比較傷頭髮。而我就好少做，可能係一個月都無一次。所以髮膜對我黎講唔算得上係必須品，但當然都要定期做保養。

不過講到防掉髮呢樣說無咩感覺，但我覺得因為試用14日內兩次就睇到效果係無咩可能既，但如果照我岩岩上面講既順滑減少磨擦來睇長期係會減少掉髮。

我自己就唔會再買，因為唔係必須品，要買都會買性價比高既，不過想話香味一致既，當然最後就買番同一系列，再加上自己既經濟能力許可的話！