INNISFREE

紅茶逆時活膚塑顏精華

感謝@cosme送咗貨裝試用品俾我，包括紅茶逆時活膚精華水 同 紅茶逆時活膚修復精華，以下係我連續試用咗六日的使用感受:修復精華方面，質地係滑捋捋(滑lulu)，很易推開，每次用三滴已夠擦全面。因為我眼下超乾，平時化妝用遮瑕膏成日現晒眼紋，而佢其中一個功能係對抗細紋，例如眼紋及笑紋，所以我擦完全塊面會加多一滴在眼周按摩。擦完好快吸收，冇咩存在感，但塊面感覺很保濕滋潤，介意黏立感的朋友可以放心用。如果臨瞓擦想再潤啲，可以加多一、兩滴，黏立感就會重好多，所以視乎個人需要和喜好，可以調較用量，係一款好flexible的精華。

我本身膚質係乾肌、泛紅、有皮膚鬆弛造成的毛乳問題。因為只用咗六日，未睇到佢完全發揮的功效，初步感受保濕效果唔錯，皮膚的緊致度有提升。泛紅就冇咩改善，始終退紅唔係呢款修復精華的主打作用，同時亦冇惡化，即係話佢都算溫和，一般敏感肌可用。

總結一下，如果你覺得自己個樣好攰，有皮膚鬆弛、乾紋的關注，鍾意質地輕至中等的精華，皮膚屬於乾肌、混合偏乾同一般敏感肌，都可以考慮呢款精華。油肌就唔知啦，因為我係乾到出油的膚質。