INNISFREE

紅茶逆時活膚抗氧精華水

感謝@cosme送咗貨裝試用品俾我，包括紅茶逆時活膚精華水 同 紅茶逆時活膚修復精華，以下係我連續試用咗六日的使用感受:

精華水方面，顏色同質地係超~級~似紅茶，水水的，有淡淡茶香但絕對唔係香精味。我早晚洗完面後會即時倒在手心拍上面，感覺很保濕，仲即時有收毛孔的效果。完全無發熱、吉吉地、冰涷感等，就真係好似拍啲茶上塊面到，但我有次唔小心第一下就拍上雙眼度，搞到入晒眼裏面，勁lar，大家唔好同我一樣咁傻，佢係精華水唔係真.紅茶。

比較另一個牌子fxxxx的紅茶精華水，佢地的質地好唔同，innisfree呢隻就真係好似茶，fxxxx嗰隻係有滑捋捋(滑lulu)、黏黏地，質地介乎爽膚水同精華中間，而innisfree就係保濕的爽膚水質地。

我本身膚質係乾肌、泛紅、有皮膚鬆弛造成的毛乳問題。因為只用咗六日，未睇到佢完全發揮的功效，初步感受係擦咗比起未擦皮膚的緊致度有提升，毛孔即時無咁明顯，光澤感有略為提升，皮膚望落係透亮咗。泛紅就冇咩改善，始終退紅唔係呢款精華水的主打作用，同時亦冇惡化，即係話佢都算溫和，一般敏感肌可用。
總結一下，如果你覺得自己個樣好攰，有皮膚鬆弛、暗沉的關注，鍾意保濕而質地貼近爽膚水的精華水，皮膚屬於乾肌、混合偏乾同一般敏感肌，都可以考慮呢款精華水，油肌就唔知啦，因為我係乾到出油的膚質。我見而家有精華水+精華+面霜的set賣（貨裝+迷你裝），有興趣可以試下先，因為一支成145ml好大支，可以試完啱用先買貨裝。