INNISFREE

綠茶籽保濕精華(已停產)

使用innisfree既產品已超過十年，之前用開大豆系列，面膜同化妝品，而呢隻皇牌綠茶精華一直想試既產品之一。之前行左兩間門巿都斷左貨，今次好開心被cosme抽中可以試用。

首先，精華既包裝方便，用既時候可以跟住箭嘴扭一扭。唧一吓既量大約係一個一毫子咁大。一唧出黎就聞到自然既綠茶香味，精華係透明既，質地好水潤，流動性好高，吸收得好快，完全唔笠，既保濕又乾爽。唧一下份量已經可以推勻手背，全面用每次唧兩吓就夠推薄薄地一層，如果想深層保濕可以唧多一吓既份量。

我通常除左夜晚用之外，妝前都會搽一層加強保濕，令皮膚更貼妝！

呢個精華啱曬香港潮濕既夏天用，加上innisfree既產品香味宜人，呢隻綠茶香味相信好多女仔都會鐘意，試用完會想回購。