MUJI

兩用胭脂唇膏

#沒有想像那麼美好 Muji 液體眼影胭脂兩用 一貫樸實嘅作風，只有兩個顏色選擇；揀咗偏向自然、血色感重啲嘅02號色。 一支細細支，size同一支AA膠差唔多。 理論上係好適合帶出街使用，但由於佢係液體，唔太適合帶出街補妝，因為已經最後有粉狀嘅product，就唔好再隨後疊加液體/膏狀嘅product喇。 佢彩色嘅份量都比較難拿捏，需要試多幾次，先知道要唧幾多，但係都係嗰句：寧願少量多次咁去疊加顏色，唔夠先至再加，好過一次過太重手返唔到轉頭。 份量拿捏得好，冇點樣同底妝、或者碎粉打交，呢個產品係可以做到白裏透紅嘅精緻感。 但係就好講求上妝嘅技巧，如果唔係就好似一撻撻，效果都會比較兀突。 我會覺得呢支係一個比較難handle嘅item，但係如果多啲練習熟悉咗嘅話，會俾到你一種amazing感覺。

一搽上好實色，無色差，質地比較黐手，呢隻我係印開上面，易暈開，做到白裏透紅，好似運動後既自然感，不過一多就好難返轉頭，唔怕麻煩可以搽上手再印上面頰，持久力半日到，但細細粒好方便帶出街補妝，設計亦好貼心，好容易拆出黎自己組合，我覺得CP值高，其實仲可以當唇膏，但我就無試過

呢一種膏狀嘅胭脂用落去嘅優勢就係唔會有粉感而且會好似天生嘅紅潤感覺 但係都係要睇下你鍾唔鍾意佢呢一種粉紅色

因為好平，而且兩用覺得幾方便就買左黎試。佢幾顯色，通常我會當胭脂用。

好一般，用來塗唇會比較乾，卡唇紋。用來作胭脂會黏起底妝。不推介大家用。

質地比較黏，唔係咁容易印開，好容易會用得唔自然，唔太好用