YSL BEAUTÉ

夜間修復精華(月光仙人掌精華)(已停產)

今次試用咗YSL pure shots night reboot serum，覺得效果十分好，好適合忙碌又成日熬夜嘅人士。

精華原本係水油分離嘅質地，三分之一係油分同三分之二係水粉精華。使用前要搖勻先用，搖勻後水油會混合成一個較流質嘅精華。用上面感覺潤而不膩，感覺皮膚即刻有補充足夠嘅水份同時亦有潤澤嘅感覺👍🏻
平時用好多保濕精華都會用後覺得保濕能力唔持久。但ysl嘅夜間修復精華除咗用後即時保濕效果好好，用後第二日訓醒亦keep到水油平衡同保濕潤澤嘅效果。

經常熬夜作息唔定時，皮膚好容易缺乏光澤同生暗粒。呢兩星期用咗呢個精華後好明顯就算前一日熬完夜皮膚都唔會有以往暗啞粗糙嘅感覺。因為佢有3.5%甘醇酸可以好溫和地去除肌膚嘅老化角質，可以加快肌膚代謝。好明顯感覺到呢兩星期皮膚比以往穩定，粉刺暗沉嘅問題都改善咗，亦唔會好似其他酸類產品所帶黎容易乾同紅嘅問題。

好推薦呢支精華俾想搵保濕同時可以代謝角質精華嘅人✨