YSL BEAUTÉ

夜間修復精華(月光仙人掌精華)(已停產)

感謝提供YSL 皇牌月光仙人掌精華試用💖平時用開嘅精華都係偏水base，第一次用有油嘅精華，本人混合偏油肌，有膚色不均勻，有暗粒 ，皮膚粗糙嘅問題，同埋有時因工作關係要熬夜，所以好期待依支精華可以改善我嘅膚質。

依隻精華每次使用前都要搖勻油性同水份精華，搽勻全面大約要用2-3 pump，帶有香味，精華質地係液態，非常容易推開，搽上面後好快被皮膚吸收，感覺滋潤但唔會過於油膩。

使用後首個翌日，皮膚保濕力唔錯，皮膚桑軟有光澤，產品改善膚色不均勻暗粒皮膚粗糙等效果暫時未見到，相信要俾啲時間皮膚更新咗先睇到效果！

使用兩星期後，皮膚狀態真係大大改善！首先皮膚少咗好多粒粒，本身塊面有嘅粗糙感都消失，而家嘅皮膚摸落去滑嘟嘟。另外，用咗兩個禮拜後皮膚暗沉色調消失，變得更加透亮同有光澤，好似天生皮膚好嘅感覺🥺減淡細紋嘅效果就測試唔到因為我本身冇乜細紋。個人覺得以去角質精華黎講，月光精華做到溫和不刺激之餘，又可以令到皮膚變得細緻滑嫩嘅效果，如果之前用其他酸類產品太刺激皮膚會爆瘡敏感，呢隻精華就適合你啦。