INNISFREE

紅茶逆時活膚抗氧精華水

好多謝被@cosme抽中試用innisfree既紅茶逆時活膚精華水

一直都有用innisfree既其他系列產品, 覺得都係好高CP值, 不過都係第一次用紅茶系列, 依個系列主打係令肌膚更緊緻、平滑同亮澤。紅茶逆時活膚精華水係用左磨砂玻璃樽加上啡色鋁質既蓋, 令外型好有質感, 入面有一個白色既小蓋, 每次用完塞住就唔怕倒瀉, 好細心。佢係紅茶系列, 所以有一股輕輕既紅茶味, 唔太濃郁, 近乎無味道。瓶口唔大, 每次可以因應份量慢慢倒出黎, 唔怕一次過倒太多。質地係水狀, 所以吸收時間好快, 清爽不黏膩, 唔洗慢慢等佢吸收。

每次我都會倒大約2,3滴份量係掌心, 再用雙手搓揉均勻再輕輕按壓上臉, 如果唔夠會再倒出黎按壓上面, 之後再係臉上輕拍等佢地完全吸收。

配合紅茶逆時活膚修復精華試用20日後, 肌膚緊緻左, 塊面既光澤感都提升左, 而且保濕度都好滿意, 使用期間冇出現任何敏感情況, 至於改善細紋, 可為因為只係用左20日, 時間比較短就仲未有明顯既分別, 會繼續使用觀察。