NARS

Light Reflecting 原生光亮肌粉底液

先感謝@cosme 揀中試用 「NARS - Light Reflecting 原生光亮肌粉底液 」 💕 簡單了解左哩個粉底液 , 主要標榜兩大重點 :

📍「獨家感光技術，完美折射光線」，可以自動隨光源變化，調節至適當既自然色調。

📍其次係「純配方之餘添加左70% 護膚成份」 ，平滑肌膚，持續改善痘印、紅印及膚色不均，而且適合所有肌膚，特別敏感肌膚亦適用。

💡簡單黎講 ﹐優勝之處係 :
「即時Keep 住補水+潤澤+透亮既底妝，化妝護膚同步」

我本人現時既皮膚狀態係好易乾到出油，加上疫情關係日日戴口罩，皮膚更加差更加敏感 ，毛孔粗大之餘額頭面珠位置都係痘印紅印 😵‍💫 膚色吾均勻更加係基本問題 。

我個人使用後感受:

我覺得產品質感比較水潤，用手指都好易推；

遮瑕度我好滿意，因為我只係泵左一細泵，薄薄甘搽一層，已經明顯地遮蓋左d 痘印紅印 ，眼底既暗沉都即時提亮左！明顯膚色係即時變得均勻，重點吾會覺得厚重！我好怕厚重既底妝😵‍💫我膚色本身吾係黑但偏暗啞帶黃，試用既係「DEAUVILLE 淺色膚色（中性調）」，搽完同自己膚色都好融合到幾自然 👏 即時面帶自然光澤感 😳 的確做到佢所講既「完美折射光線」，透亮底妝。另外，佢既補水護膚都有一定效果，我面經常乾到會甩皮，用好多粉底液都浮粉甩皮 ，但哩隻用完都算貼服水潤，吾覺得乾又吾油笠，剛剛好 👍
最後，佢既持久度都可以，基本keep 8個鐘係完全冇問題 😁

易推度：♥♥♥♥
遮瑕度：♥♥♥♥
持久度：♥♥♥
貼服度：♥♥♥♥
補水度 : ♥♥♥♥♥

總括而言，整體上我10分會比8.5分 🌈 亦都好推薦大家試下用 ，一樽30ml 售價 $470 ，專櫃品牌有甘既質量效果我覺得絕對值得一試 😊 性價比幾高 👍 順帶一提，產品既成份入面仲提過有抗污染成份 ，可以抵禦環境壓力帶黎既肌膚問題抗藍光 ，我覺得幾適合依家疫情長期要戴口罩既環境，真正做到化妝又吾傷皮膚 👏