SK-II

護膚精華 (神仙水)

有幸感謝@cosme 邀請我參與 SK-II 試用活動，可以試到皇牌產品「護膚精華(神仙水)」 🌹

先講講本人膚質同埋近期皮膚問題 :
本人將近30，半年前生完BB 之後皮膚急劇轉差，可能年紀真係開始大加上荷爾蒙影響，本身極度乾燥既膚質都變得好吾穩定 ,一時乾到甩皮 ，一時又好油，懷孕時直情暗瘡大爆發 ，攪到毛孔超級粗大又好多印，膚色仲好黃好暗沉 😨 試過好多護膚品，效果吾明顯所以好多時用一排就冇繼續用落去 ..

直至好彩有SK-II 「護膚精華(神仙水)」 試用活動令我有機會試用，其實一路以黎都知道SK-II神仙水 係貴公司既皇牌產品 ，好出名，但聽好多都係年齡層中上既用多～所以年輕時就冇試過啦 ，剛好依家上左年紀一堆皮膚問題正正最適合試用 😁 我一收到已經急不及待地開始早晚用 , 到今日已經用左兩個星期 ，我想講既係 : 「真係好神奇好有用 !」 佢既價錢雖然係貴 , 一支160ml $1280 , 但真係效果超好 ，吾係講笑，終於明白佢既貴係有道理！

先講講哩個產品既

質感：係流動性高既透明好似水甘既液體；所以記得倒係手掌心吾係既話好易流到成手都係 ，滴落地就浪費哂！😁吸收方面：我個人認為都吸收好快 ， 滴三滴左右係手掌心然後拍上塊面到 , 有時天氣太乾燥吾夠就重複多一次哩個步驟 👍 ;

氣味方面 : 我覺得聞落就好似一陣淡淡釀米酒既發酵氣味 ，第一下氣味係吾討好，但好快吸收哂陣味就散左，所以冇乜影響 , 重點係功效 🙆‍♀️

清爽&保濕度方面 : 搽完好清爽，吾會笠係舒服既 ，感覺係保濕完全吾乾吾刺激既 ; 用完亦冇敏感；

我覺得最最最明顯既係用左幾日之後已經好明顯地成塊面膚色冇甘暗沉！均勻左！提亮左！亮白左一度甘 😳 去到第六日d 毛孔係明顯地收細左，睇我用後圖額頭果張就會見到幾甘明顯 ，d 乾紋都有改善，皮膚緊緻左。我真係覺得好神，難怪佢叫神仙水 真係冇錯 😲
價錢方面：係幾貴下我覺得，但都大支既，有160ml 售$1280 , 應該都用到最少兩個月以上 ，哩個價錢有甘好既效果我覺得絕對絕對值得 😊 我比95分滿意 !哩個產品真係用過最好既精華水 ! 強烈推薦 ! 樽身既設計就比較簡單係玻璃，幾重手但磨砂面所以吾易線手跌 😊 倒出黎chok 一chok 就滴一滴甘 😊 如果可以轉做滴管/ 泵既方式可能更加方便衛生就更好啦 😁質地 : ★ ★ ★ ★ ☆
氣味 ：★ ★ ★ ☆ ☆
清爽度 : ★ ★ ★ ★ ★
保濕 : ★ ★ ★ ★ ☆
均勻亮白肌膚 : ★ ★ ★ ★ ★
價格 : ★ ★ ★ ☆ ☆