NARS

Light Reflecting 原生光亮肌粉底液

有幸被@cosme 抽中試用NARS Lighting Reflecting Foundation原生光亮粉底液✨

質地可流動容易推開，2泵左右已經可以用晒全面。
用手都可以推均，不過我主要都係用海棉上，非常貼服。

上面感覺很良好，透薄保濕，粉底水份充足，完全無阻塞毛孔，感覺一D都唔厚重。上面後光澤感非常自然，好似由內透光出黎咁，明顯見到面色被提亮，同時亦令到膚色均勻。

遮瑕度大概低至中低，紅印及較淺痘印可以輕易遮到，較深痘印就要疊加使用或另外遮瑕，咁啱呢段時接近生理期有少少生理痘，所以好明確感受到遮痘印既需要。不過用左幾日，當痘痘好返之後，皮膚狀態好返，完全可以做到非常完美妝容。

持久度黎講，因而家其實要長時間戴口罩工作，所以一般都會上碎粉定妝，口罩難避免會痴到粉底，不過上妝幾個鐘之後，主要都係鼻位會沾到口罩。簡單定妝唔會影響到太多光澤感，建議追求持久度既朋友一定要定妝。

個人黎講就主要追求簡單、快速、自然，所以呢枝粉底對我黎講非常足夠，可以好簡單好快速咁得到自然又有好氣色既妝感，非常喜歡~

總括：
幼滑貼服：🌟🌟🌟🌟🌟
均勻膚色：🌟🌟🌟🌟🌟
遮瑕度：🌟🌟🌟
透亮光澤感：🌟🌟🌟🌟
肌膚舒爽度🌟🌟🌟🌟
持久度：🌟🌟🌟🌟