AHC

瞬效保濕B5微導煥膚補水睡眠面膜 (B5爆水睡眠面膜)

我係混合性偏乾嘅敏感肌，今次係第一次用AHC呢個牌子嘅護膚品。呢隻今年5月先理喺香港上市嘅睡眠面膜又叫「B5爆水睡眠面膜」，聲稱可以一夜間做到修復肌膚、保濕、代謝老化角質同平衡肌膚多個功效。

藍色嘅盒身，設計簡約。打開之後見到有兩格，首先用透明嘅煥膚啫喱搽面，由於我鼻翼位比較暗沉，所以會按摩多幾下。推開之後嘅感覺都係好清爽同舒服，之後就搽另一格嘅修護水凝霜，有1000倍嘅ceramide，可以鞏固強化屏彈，令肌膚更健康，而且含有寡肽同益生菌發酵萃取，可以修復肌膚，保持彈性同平衡肌膚。
一直以為呢啲咁保濕嘅睡眠面膜一定好黐立立，點知呢隻非常清爽，好容易就推開到。而且佢冇乜氣味，對敏感肌嘅用家非常友好😊
呢個係推開晒之後嘅效果。

由於我返工成日都需要捱夜，又長時間對住電腦同手機，對肌膚嘅負擔好大，搞到皮膚因為疲勞而變得暗淡無光，面而且肌膚一到轉季就會開始泛紅。

第一次用B5爆水睡眠面膜之後，第二朝一起身，即時感覺到肌膚好似飲飽水咁，塊而開始有光澤，泛紅都開始有減退。用完兩星期之後，之前鼻翼兩面嘅暗啞同毛孔粗大都有明顯嘅改善，泛紅嘅肌膚得到鎮靜，面色比之前更有光澤，連乾紋都唔見埋，真無好神奇！而且冇人工香料，唔會對敏感脆弱嘅肌膚造成額外負擔。
呢隻睡眠面膜嘅功效方面完全不遜於專櫃品牌，價錢方面比起專櫃品牌更優勝！$249就可以有呢個效果真係相當超值，性價比之王！👍🏻👍🏻👍🏻
用完呢罐之後我會再回購👍🏻