ORIGINS

靈芝菇菌抗逆健膚精華水 (靈芝輕精華水)

之前都有用過Origins 靈芝輕精華水，嗰時朋友推薦話改善暗瘡皮膚好work，所以主要都係用嚟敷喺暗瘡位置。今次有機會試用第四代嘅靈芝輕精華水，用嚟濕敷暗瘡位置兩晚已經差不多謝哂，最重要係暗瘡好快褪咗之後皮膚都唔會乾（之前用其他去暗瘡產品好多時都會令到附近皮膚好乾）。

睇返先知原來呢支靈芝輕精華水除咗抗炎之外，仲可以深層保濕同修復敏感。咁啱呢排天氣熱，加上成日都要戴住口罩，兩邊臉頰都焗到有啲敏感泛紅，咁就用埋精華水濕敷。洗完面先將啲精華水倒落化妝棉抹全面，保濕之餘帶走埋面上嘅污糟嘢。之後用精華水輕輕按壓同拍上面頰，最後再用化妝棉濕敷。試咗14日之後泛紅真係有改善到，皮膚穩定咗，而且佢質地比較水，敷完feel到明顯保濕咗，仲一啲都唔笠。

呢支靈芝輕精華水真心好用，難怪佢係origins嘅皇牌產品，會推介畀有暗瘡或者同我一樣有敏感泛紅嘅朋友。