ORIGINS

靈芝菇菌抗逆健膚精華水 (靈芝輕精華水)

產試用日數：200ml 用左三個月左右
用法：多為用化妝綿擦拭

皮膚狀況：乾性，下巴位置有輕微濕疹症狀呈極乾及容易甩皮，鼻翼兩旁及T位有明顯毛孔，額頭長期多細紋

曾用適合的Origins產品：悅肌再生全效凍齡木精華， 悅肌再生潔面乳

Origins既第一代菇水當時已經係品牌主打而我都有用，用第一枝感覺係唔錯，但第二枝就開始覺得刺激性有啲大同香精味有啲重，所以就無再繼續用。
然後最近用尼個品牌既精華同洗面感覺都唔錯又見佢菇水有改良過配方所以決定重新再用。

新一代既味道變得草本左，用起黎更舒服，當我用黎擦下巴較敏感既位置都唔會有刺痛既感覺但都會有少少紅，所以都唔建議敏感肌拎黎濕敷。

用擦拭既方式配合菇水感覺膚色均勻左，明亮左，而且暗粒都有變細同無增加。而我都有比外油內乾既暗瘡肌老公試用，發現菇水消炎降紅效果較出色！

我自己習慣會揀幾款化妝水然後定期轉黎用，等皮膚可以接觸唔同既護膚成份，而新一代既菇水既表現可以列入回購list。