SK-II

護膚精華 (神仙水)

產試用日數：14日
用法：晚上潔面後使用

皮膚狀況：乾性，下巴位置有輕微濕疹症狀呈極乾及容易甩皮，鼻翼兩旁及T位有明顯毛孔，額頭長期多細紋，髮際線位置有瘡

配合產品：Ordinary petides及 SK-II能量霜

曾用適合的SK-II產品：SK-II能量霜

神仙水係連我身邊既男性朋友都極力推介既精華水，而自己試過極光水既Sample仔，一直係兩枝水之間周旋買邊枝，今次有幸可以親身試埋神仙水！結論係買神仙水！

首先神仙水既質地好水，上面完全唔會有野痴住面既感覺，但又唔會覺得無搽野，亦無仼何刺激既感覺，就算直接掂到瘡既位置都無刺痛既感覺，對敏感肌友好！

用完14日最明顯感受到既分別係，毛孔細左，當然唔係由1變0咁誇張，不過係肉眼見既收細，黎緊諗住一日用2次，睇下效果會唔會明顯啲。另外可以感受到既變化，就係皮膚細緻左，手摸上面既感覺超明顯，而且上粉底明顯感受到貼左同無咁易浮粉！斑都淡左！

神仙水同其他產品既配合度都高，始終佢水既質地，皮膚係好快就吸收然後變得乾爽。今次既試用後期都一樣有試下啲油類護膚品同其他面霜，感覺正常發揮，但不得不提同能量霜一齊用，減淡細紋既效果都唔錯！
而用神仙水既手法，無論係拍上面定用化妝棉抹都試過，拍上面既效果比抹好！岩既產品用岩方法都好重要！

不過神仙水既氣味確係唔討好，如果介意氣味既真係要考慮考慮。


左：使用後，右：使用前