YHKcare

苦橙花抗敏滋潤保濕霜

首先多謝 cosme 抽中我，可以試用YHKcare 「抗敏滋潤保濕霜系列」。由於本人為敏感肌膚質，所以十分期待使用次系列後，皮膚會否有改善。

YHKcare係本地品牌，佢地以天然無添加成份舒緩敏感，亦可以強化肌膚屏障。今次試用嘅抗敏滋潤保濕霜有三隻味，包括密羅木抗敏滋潤保濕霜、亞麻籽抗敏滋潤保濕霜同埋苦橙花抗敏滋潤保濕霜。

我會係呢個post主要討論苦橙花抗敏滋潤保濕霜。
外觀： 產品係以真空包裝設計，俾我嘅感覺十分衛生，避免入便保濕霜受到污染，十分抵讚。

觸感： 唧出黎嘅保濕霜係雪白色，搽上臉好快吸收，唔會覺得太黐𥹉𥹉，非常舒服

味道：我十分推薦苦橙花抗敏滋潤保濕霜俾年輕女性，原因就佢隻味唔係香精味，係淡淡嘅天然香味，街上好多買到嘅面霜都好重香精味，但呢隻保濕霜成份好天然，所以唔會有香精味

效果： 有時敏感時候，我會生粒粒，係我用完第二日，我係真係覺得自己皮膚有改善

總括而言，呢三支面霜都好唔錯，如果一直想追求淡香味面霜但又怕敏感的話，我就建議你試下苦橙花抗敏滋潤保濕霜。如果想睇埋其他味嘅用後感，要麻煩大家click返相關產品頁面了～～