Vaseline

Clinical Care™專業舒敏修護燕麥保濕乳

好多謝@vaseline 同埋@cosme 揀咗我試用凡士林 Clinical Care 專業舒敏修護燕麥保濕乳。

係分享試用感之前，講返少少自己的情況先，希望畀大家有個參考。我之前試過嚴重過敏，手腳嚴重出疹，經過漫長嘅治療，依家終於好咗好多，只係變咗唔斷尾嘅濕疹，每逢天氣熱同埋落雨嘅時候，又或者冇忍口食咗少少海鮮後就會出返疹，不過情況都算係輕微，過幾日啲疹就會開始唔痕，得返粗糙一粒粒嘅觸感。

今次呢款保濕乳係專為有濕疹嘅人士而設聲稱可以舒緩濕疹肌膚5大不適，包括痕癢，乾燥，脫皮，粗糙，敏感。係試用期間係夏天轉秋天，我自己冇脫皮，或因乾燥帶嚟嘅痕癢嘅情況，我亦好小心咁戒口費時出疹影響試用結果，所以感受唔到呢兩方面嘅功效。至於乾燥、粗糙同敏感，我覺得呢隻保濕乳嘅質地比平時嘅 lotion 更加滋潤，但又唔會話太過黏膩，佢好似係皮膚表面形成一層薄膜，減慢肌膚水份流失，同時亦阻擋外界嘅致敏源。除咗搽完嘅當刻覺得皮膚滑潤咗，訓醒之後摸落皮膚都係冇咁粗糙，做到長時間保濕，滋潤效果唔錯。用咗14日，皮膚係明顯改善咗，之前啲皮膚摸落會係一粒粒，好粗糙，但家陣啲粒粒已經平滑咗少少，好咗好多，希望過多幾個月，皮膚可以變返未過敏之前咁滑。