KOSE 雪肌精

藥用雪肌精美白化妝水 <透亮精華版>

很多謝雪肌精&cosme 給予今次試用新產品的機會。先利申，本身係雪肌精的忠實用家，有用開雪肌精的化妝水，相對官方教將化妝水沾濕整個化妝棉，以輕拍的方式使化妝水充分融合於肌膚，我個人喜歡用面膜紙濕敷，短短5-10分鐘就完成，簡單方便。可能因為用咗好多年，所以就算有乙醇成份，都冇試過過敏，反而覺得敷完皮膚狀態更穩定。

今次化妝水出咗升級版，未推出已經好期待，沒想到今次有幸可以率先試用，真的好開心。化妝水的外型冇太大改動，依舊是深藍色瓶身，白色瓶蓋，一貫雪肌精簡約風格。

新版添加了艾草萃取液成份，除了美白，亦有保濕功效。配方更改了，在化妝水的顏色上可以明確分辨。舊版化妝水的顏色是半透明的奶白色，新版則是濃厚的奶白色，香氣亦都改變了。盲試嘅話，唔會覺得係雪肌精化妝水。新今次新版化妝水保濕度明顯提高咗(因為敷面膜嘅時間耐咗好多)，舊版感覺係清爽，新版則是滋潤，天氣乾燥嘅時候十分啱用。

今次試用版係日本版，產品成份可以睇照片。有用過雪肌精化妝水/有留意消費者委員會測試結果嘅都可能會知道雪肌精含有乙醇成份，用嗰陣亦唔覺有乙醇成份，但細睇成份表都仍標示含有乙醇，我估計含量相較舊版可能少咗，不過對於乙醇過敏嘅都要留意返。

官方教嘅使用方法係取2.5cm直徑大小的分量於手心或化妝棉上，均勻延展塗抺於肌膚上。而我個人推薦大家可以試吓用面膜紙濕敷，一物兩用，簡單方便，用完後亦會有明顯嘅光澤感。