AHC

瞬效保濕B5益菌修護霜

多謝@cosme 及AHC舉辦今次試用活動。今次試用嘅產品係 AHC B5益菌修護霜，每日早晚係搽完化妝水及精華之後使用。打開面霜就會見到有啲粉藍色嘅微珠，大概係補水或鎖水的成份，搽上皮膚就吸收咗。呢款面霜質地水潤得嚟易吸收，輕輕打圈按摩就好快吸收晒，皮膚亦都立即變得有光澤。佢嘅保濕效果顯著，係轉季入秋嘅天氣都能夠有效鎖住水份，搽完之後皮膚即時會覺得夠滋潤，第二朝訓醒都保持到，皮膚唔會覺得乾緊。

AHC B5益菌修護霜主打含有57億益生菌萃取，有效修護自生肌膚屏障，強化肌膚抵禦力，敏感肌適用。試用咗14日，我覺得皮膚狀態好咗，正值轉季但肌膚沒有乾燥泛紅嘅情況，而且鎖水效果可以保持到成晚，秋天好啱用。