NIVEA

LUMINOUS630雙效淡斑透白精華

從@cosme 得到的試用品。

本人膚況：本身個人皮膚算偏白，但前幾個月去完旅行曬黑咗啲，臉上一直有啲細個游水曬出來嘅斑，一直以來覺得冇乜所謂所以冇處理過，冇做開facial/機/打斑

產品質地易推易吸收，pump頭容易用，如果日頭加埋防曬一齊用一下份量薄塗就好，夜晚先按兩下塗厚啲。味道一開始覺得有啲微妙，好似番梘味咁，唔會刺鼻但一開始冇expect係呢隻味。

試用期內冇敷面膜或用其他護膚品，早晚各用一次，係有一晚試左滴其他牌啲精華溝埋睇下質地有冇影響。

連續用咗十日，肉眼睇唔太覺，不過睇返相就發現啲斑真係有淡到。當然唔會真係用咗十日就好似下擦膠咁擦甩咗啲班，但係冇諗過呢個價位嘅開架品牌可以短時間內做到呢個效果。本身以為都冇乜用或者係要連續用一個月先會見到效果，最後呢個價位嘅product做到呢個效果超乎我想像。