IPSA

極緻再生精華水 (復活神水)

從@cosme 得到的試用品。

本人膚況：本身個人皮膚算偏白，混合偏油。
冇做開facial/機/打斑，試用期間冇用其他精華/化妝水/導入。

本身有用開Ipsa嘅化妝水同乳液，呢款精華水嘅texture幾特別，水潤易推，因為易推所以其實都唔需要五蚊份量咁多。
上臉後好似有層gel coating咁，但唔會笠，唔會痴。呢層凝膠膜就咁唔會feel到，係摸先會feel到。

個人比較鍾意用手直接上，比起用化妝棉可以feel到邊啲位置未cover到同潤啲。後續我再係上面揸同牌嘅lotion，揸完都冇影響佢嘅膜感。

個膜感真係last足全日，放工返到屋企洗臉都仲感覺到佢存在。
用後有感出油係少左，返屋企個妝都少左浮同甩。

使用前後對比冇好明顯肉眼見到嘅分別，尤其啱啱去完旅行返香港個天氣變化搞到皮膚啲粒粒唔退，呢支精華冇話幫唔幫到，但因為佢唔刺激，所以皮膚狀況都冇惡化。

試用後最有感係保濕效果很好，平時坐係屋企一個鍾就會出晒油，用緊佢時半日嘅出油量明顯減少，作為保濕產品好過日日敷面膜咁。

缺點方面，就係佢同其他牌嘅某啲護膚品有啲衝突，有日我試下係上完呢支精華之後上防曬，結果推開防曬有啲起塊。另外有次用碌碌眼棒（有液體）都推咗啲gel出嚟。

整體來講，保濕效果好顯著。
如果冇試用得知呢個效果，我應該係街見到佢呢個價錢未必會買。試完後覺得可以直接取代化妝水+保濕精華嘅話價錢其實都唔算貴，最主緊要係以前用嘅同類product無睇到同feel到呢個明顯嘅保濕控油效果。