HADA LABO 肌研

H.A. Supreme 舒緩修護精華

首先多謝 @Hadalabo！！同埋 @cosme！！ 因為喺活動之前，我對「精華疊加法」係完全零認識。原來精華都可以加埋一齊用？！😱 而且功效可以double up咁神奇👀👀～～

事實上無任何一個人嘅肌膚都只會存在一種肌膚問題，即使擁有完美臉蛋嘅女生都會需要美白，保濕，抗衰老，緊致…. 只要適當地善用「精華疊加法」就可以同時間解決多種肌膚問題。

今次我用左肌研嘅「高階疊加法」，3樽精華分別具有3種類別嘅功效：
藍色：B5保濕功效
紅色：淨斑美白功效
綠色：舒緩修護功效

包裝上面印有中、英對照嘅說明，即使係外國人用都無問題！
產品說明建議將精華分開為日用同夜用，而每次使用兩種精華都係採用先保濕原理。
日間用：藍色+紅色
夜晚用：藍色+綠色
換句話講藍色個樽係百搭，而且每次都擦佢先。

至於質地黎講，藍色同紅色樽精華質地都比較清爽，所以用黎擦第一層，可以快速直達真皮層1.5mm。相反綠色個樽質地就比較黏，用黎擦第二層就唔會影響前面產品嘅吸收效果，仲可以成為一層屏障，防止肌膚水份流失添。
我由中學時期開始就有用肌研嘅產品，佢嘅產品除咗樣化外，亦都係依據”Perfect x Simple”嘅生產理念。雖然面部同時搽上兩種精華液，但係我完全感覺唔到皮膚有「立痴痴」或者起擦膠粒嘅狀況。即使我之後再根據平時護膚程序咁樣搽上面霜或者防曬，都係完全零負擔！

歡迎大家隨時喺度留個意俾我啦！