HADA LABO 肌研

H.A. Supreme 極緻補濕精華

好幸運地得到@cosme 送出一 套3支貨裝嘅Hada Labo 肌研H.A. supreme 精華俾我試用☺️今次肌研提出一個mix & match 嘅概念，用層層疊嘅方法將唔同精華晌早晚注入皮膚：
1. 補濕精華 ( Cera)：Ceramide
2. 淨斑精華(Vita)：Vitamin B12
3. 修護精華(Cica)：積雪草
呢幾種成份都係出名對修護皮膚嘅重要角色，每支再加埋透明質酸，都係針對補濕鎖水呢個目標。

@cosme 嘅指示係早上用1+2，晚上用1+3，即係Cera 係個「膽」！不過其實3支都可以早晚使用，大家可以按自己皮膚需要，加強個別功效。

包裝設計簡約不花巧，有醫美感覺，配合一貫肌研嘅品牌形象，簡單、純粹。

Cera 顏色透明，稍濃稠，無特別香味，搽上面部好快吸收，唔會太黏，之後再加Vita或者Cica 都唔會感覺好厚重，秋冬乾燥天氣或夏天開冷氣用最為合適！同後續嘅護膚品/化妝品亦唔會打交。用後感覺皮膚全日都保濕，皮膚亦有提亮同光澤水感。

作為精華液，價格相當親民！

最後對產品包裝有少少意見：由於精華質地較為濃稠，樽身磨砂同窄口，又以滴管方式取出，基本上用得咁上下時間，就唔知樽精華仲剩返幾多，又比較難用到一滴不剩⋯希望日後改良包裝設計時可以考慮一下，等用家可以用到見底為止，咁就更完美了！