iliya H.A. Supreme 極緻補濕精華 心得評價
HADA LABO 肌研H.A. Supreme 極緻補濕精華

HADA LABO 肌研
H.A. Supreme 極緻補濕精華

H.A.SUPREME CERA HYDRATING CONCENTRATE
6.0
心得評價:38 篇(37人覺得好用)
容量/價格:HK$219
看產品及心得
iliya
年齡32膚質混合肌心得篇數374
7
2023.02.24 發表
首先好多謝@cosme 和@肌硏 給予我今次試用肌研H.A. Supreme系列嘅機會!🙇‍♀️🫶🏻

以往我一直都係按當時皮膚質素嘅需要來決定當晚使用嘅精華,但係今次好特別,簡直係顛覆我嘅護膚概念,係我首次試用呢種新穎嘅護膚程序——精華疊加法,一次過試用晒三款唔同功效嘅精華:H.A. Supreme 極緻補濕精華、亮肌淨斑精華以及舒緩修護精華。

呢三款精華嘅外型簡潔乾淨,係磨砂面嘅純白玻璃樽,不得不稱讚嘅係利用滴管設計更能控制每次使用嘅份量,唔會浪費,而且用起上嚟就更加方便乾淨,唔會倒瀉倒到周圍都係!🥰

H.A. Supreme 極緻補濕精華嘅質地係三款精華當中最清爽最容易吸收嘅,搽上去一啲都唔黏笠,含有Ceramide神經醯胺及維他命B5成份,而眾所週知維他命B5係補濕嘅皇牌成份,能24小時保濕,滋潤至底層嘅乾燥肌膚,從而強化肌膚屏障,令肌膚變得更加容易吸收,為期後搽嘅精華打好基礎!個人覺得呢款嘅補濕效果的確唔錯,肌膚肉眼可見變得水嫩飽滿。😍😍😍
H.A. Supreme 亮肌淨斑精華嘅質地就比極緻補濕精華滋潤,但只要花一點時間按摩,就可以完全好好吸收,都唔會有黏笠感,內含煙酰胺及維他命B12,有助提亮膚色及減褪色斑痘印。而我用後確實發現肌膚變得亮白有光澤,不再暗啞無光,但淡化色斑嘅效果短期未能見到,相信要堅持一段時間才能見效。🙈🙈🙈
H.A. Supreme 舒緩修護精華呈乳白色,質地係三款精華中最柔潤,但仍可接受,當中嘅積雪草萃取成分能5分鐘鎮靜修護,舒緩脆弱受損肌膚,回復健康活力肌膚🙌🏻
朝早起身就先用H.A. Supreme 極緻補濕精華補濕,再用H.A. Supreme 亮肌淨斑精華提亮、減褪色斑痘印。而夜晚潔膚後先H.A. Supreme 極緻補濕精華補濕,再用H.A. Supreme 舒緩修護精華修護、增強肌膚屏障。使用後👉🏻👉🏻👉🏻
精華疊加法真係幾work,日夜疊加,效果double up,難得嘅係搽咁多精華都唔會覺得塊面黐立立,而呢3款精華嘅CP值真係幾高,甚至拍得上某嗰專門店貴價品牌,呢個牌子嘅開架貨品唔會令我失望,值得回購!❤️❤️❤️
L
o
a
d
i
n
g
.
.
.