ORIGINS

靈芝菇菌抗逆舒緩精華

好多謝被@cosme抽中試用Origins 靈芝菇菌抗逆舒緩精華❤️

一直都有使用Origins 皇牌靈芝精華水（菇水），由於對我容易敏感既皮膚，菇水有好大既穩定作用，因此本來就對同系列既精華十分期待。

精華主打「治癒．修復．激活」，紓緩敏感泛紅，修復皮膚屏障，達致長效補水，並穩定膚況既作用。針對日常日活，外在環境以及內在壓力對皮膚帶來既影響，靈芝菇菌抗逆舒緩精華可以為不同膚質帶來穩定膚況，以及修復的效果。由於精華既成份為純素及97%天然配方，因此無論乾性、中性、油性、混合肌，甚至是比較脆弱既敏感肌膚都適用。

靈芝菇菌抗逆舒緩精華既包裝，沿用左皇牌系列既草綠色，十分配合到依個精華主打天然既特色。精華係霜狀質地，有別於外間透明狀，推開的延展性強，唔黏笠，而且吸收時間快。香味方面，因為本來就主打草本及天然配方，精華近乎沒有香味，認真聞可能就係一點點既草本味道。

日常清潔後，我會使用菇水輕拍在臉上（一星期一至兩次會倒到化妝綿抹臉，順便消除老化角質），之後就會立即使用靈芝菇菌抗逆舒緩精華，用量取大約1泵份量就可以塗抹全臉。精華好快就吸收完，有輕微亮澤感，卻清爽不黏笠。

剛好遇上香港轉季，我本身容易敏感既皮膚容易出現泛紅，使用7日之後，塊面明顯比以前轉季冇咁容易敏感，泛紅情況亦開始改善

使用14天後，肌膚泛紅問題進一步改善，因為轉季而產生的敏感，亦有改善效果，有別純保濕水狀精華，靈芝菇菌抗逆舒緩精華有少量滋潤度，有保濕度之餘，會令皮膚帶有輕微光澤感，卻不會黏笠

總括黎講，使用靈芝菇菌抗逆舒緩精華期間，皮膚敏感泛紅既問題有明顯改善，皮膚保濕度及亮澤度亦有所提升，膚況比使用前更穩定，相信是皇牌系列中，另一個好的選擇，配合菇水使用，相信效果會更加明顯。