SkinCeuticals

抗醣活膚緊緻霜 (彈弓面霜)

今次好好彩，我又抽中咗cosme 嘅sample嚟使用，今次係SkinCeuticals 嘅抗醣活膚緊緻霜。
睇到介紹，知道呢個面霜都會比較滋潤，本身都有啲驚會唔會太笠。
面霜本身質地比較厚，有啲似厚身嘅牛油。 搽上面好有滋潤嘅感覺，但隔一陣就吸收晒，唔似一般比較厚身嘅面霜咁，成晚塊面都會好笠嘅感覺 ，我試嘅時候，係天氣好凍嗰段時間，咁啱又潮濕，都驚搽上去會生油脂粒，點知效果好好面霜都算快吸收，之後亦都覺得好潤，即使天氣潮濕，都唔會覺得好黐立立嘅感覺。
我跟咗介紹用咗一個星期，皮膚幼滑左，彈性都好咗，雖然面霜比較滋潤，但朝頭早搽完之後上妝，都唔會起拆膠碎，亦都令個妝keep得耐咗。
雖然價格都比較貴，但係因為每次都唔係用好多，所以一罌都可以用到一排，今次試用裝有三支3ml 嘅tester, 我用咗一星期，都只係用咗1.5支，所以其實性價比都好好。試用之後，我自己都應該會keep住買。