KAMINOWA法之羽

養髮液

第一次俾cosme抽中試用，係呢套髮之羽嘅全套產品。累計用左30日，日日用但暫時冇見到好大嘅防脫髮效果😅
我冇染頭髮，髮質係硬嘅，偏粗，頭皮就中性，唔係特別油，但會日日洗頭。而髮量係正常，唔係特別稀疏或者多，但平時洗頭、吹頭、梳頭，有明顯嘅頭髮甩出來，十條八條走唔甩，所以都有興趣用下防脫髮嘅產品。

呢個產品要係乾頭髮時用嘅，我多數吹完頭就用。佢個樽身設計麻麻，有d難控制唧出嚟個份量。頭兩三次用，我都係一下就唧左太多去某一點頭皮上面，自己用手指卒番開佢😓搽完都要d時間吸收，個頭先會乾番，大概十至十五分鐘。雖然佢個包裝有寫，用完可以吹頭，但因為本身係中長髮，我都懶得再吹了😅
佢嘅香味唔大，質地都清爽嘅，訓醒唔會覺得個頭有痴立立嘅感覺。
整體感覺唔差，但因為睇唔到明顯嘅防脫髮效果，試用完就未必會買。
試用第一日同第三十日我都有影相記錄，望落髮量係差唔多，冇咩好大嘅分別😓