KAMINOWA法之羽

有機防脫髮洗髮露

第一次俾cosme抽中試用，係呢套髮之羽嘅全套產品。累計用左30日，日日用但暫時冇見到好大嘅防脫髮效果😅
我冇染頭髮，髮質係硬嘅，偏粗，頭皮就中性，唔係特別油，但會日日洗頭。而髮量係正常，唔係特別稀疏或者多，但平時洗頭、吹頭、梳頭，有明顯嘅頭髮甩出嚟，十條八條走唔甩，所以都有興趣用下防脫髮嘅產品。
呢個洗頭水一般清潔功能係有嘅，都覺得頭皮有清爽左，因為比起未用之前，把梳d齒少左皮屑同塵積聚。但因為佢係屬於唔會起好多泡嘅洗頭水，好多時卒完頭髮同頭皮，感覺唔到有「洗」到，要沖水時見到有泡，先知😅亦因為呢個原因，每次都可能落多左/重手左。
洗頭水嘅香味，同一d平時成日見嘅牌子差唔多，例如p字頭個款。唔係特別香，但洗完係有少少香味。
整體感覺唔差，一般洗頭水要做到嘅野，佢都做到😅但因為睇唔到明顯嘅防脫髮效果，試用完就未必會買。
試用第一日同第三十日我都有影相記錄，望落髮量係差唔多，冇咩好大嘅分別😓