KAMINOWA法之羽

有機防脫髮護髮素

第一次俾cosme抽中試用，係呢套髮之羽嘅全套產品。累計用左30日，日日用但暫時冇見到好大嘅防脫髮效果😅
我冇染頭髮，髮質係硬嘅，偏粗，頭皮就中性，唔係特別油，但會日日洗頭。而髮量係正常，唔係特別稀疏或者多，但平時洗頭、吹頭、梳頭，有明顯嘅頭髮甩出來，十條八條走唔甩，所以都有興趣用下防脫髮嘅產品。
呢個護髮素係清爽唔油膩個種，我主要用髮尾至到頭髮長度一半個位，頭皮頭頂冇搽。佢質地唔黏，過完水係沖得走所有護髮素，唔係髮膜個種會有一層野停留係頭髮。
可能因為佢主打防脫，而唔係潤髮，我吹完頭覺得髮尾係偏乾，梳頭會有打kick嘅情況😓所以吹完頭會用髮尾油。
護髮素嘅香味，同一d平時成日見嘅牌子差唔多，例如p字頭個款。唔係特別香，但洗完係有少少香味。
因為睇唔到明顯嘅防脫髮效果，試用完就未必會買。
試用第一日同第三十日我都有影相記錄，望落髮量係差唔多，冇咩好大嘅分別😓