CeraVe

長效滋潤修復霜

今次好多謝@cosme 抽中我試用Cerave 長效滋潤修復霜。我今次試用左呢個產品一個星期，覺得呢個產品都幾適合秋冬季、轉季時身體皮膚乾燥爆裂既時候用。

呢件產品較濃稠，我個人在使用前需要先微沾濕皮膚以事先幫助軟化龜裂、變厚既濕疹皮膚以幫助後續吸收，但呢件產品做到鎖水同長效保濕的效果，使用後竟然無不適感、唔會有明顯油膩、黏感。連續使用後乾燥皮膚在反覆洗手後冇即時變乾、痕癢、緊蹦。再睇返產品既成份表，頭幾個佔最大比例既都係天然成份，例如：AQUA, GLYCERIN 等。難怪用在敏感肌、有傷口既肌膚上亦無任何起紅疹、刺痛既情況，值得一讚！

惟一兩個唔好既地方係產品冇附上幫助取霜既用具，用家如果用手取霜有機會帶細菌入產品包裝內部，個人覺得冇咁衞生。再者，產品在未開封前可用錫紙質地封膜封好就減少左修復霜沾染上蓋的情況。希望產品包裝上有改善。