CeraVe

全效保濕修護眼霜

有幸被抽中試用CeraVe，必須認真試用一下。因為自己皮膚屬於比較敏感嘅類型，所以好多護膚品都要係冇刺激或者冇酒精嘅成份。

其實本人對眼霜就冇乜好感， 因為好多年前曾經用過一個眼霜， 然後整到個眼嘅周圍嚴重敏感， 之後用咗好多非常之天然嘅護膚品先至好返。 自此之後，我都唔敢再用任何嘅眼霜。

今次呢個眼霜， 個質地好似人哋嗰啲化妝品Primer咁， 觀感同質地都係滑脫脫嘅， 搽上眼周都感覺薄薄，幾舒服，無負擔嘅感覺， 同埋最緊要一啲都唔油。

再次多謝@cosme 抽中我去試用產品。