CANMAKE TOKYO

8色眼影盤

好開心收到CANMAKE 8色眼影盤嘅試用~

首先，講左外形先~
呢個眼影盤嘅size 只有手掌咁大，厚度唔夠1cm，好岩放入手袋，方便出街隨時補妝，又或者帶去旅行用，完全唔會多估行李空間。外殼嘅設計貫徹CANMAKE品牌一向嘅風格 - 少女！面殼透明，帶有blingbling感，外殼其他位就用番粉紅色。

眼影嘅壓紋好靚！係毛冷感嘅壓紋！靚到差啲唔想用手指上眼影。

粉質方面，其實都算細緻，唔會有粿粒問題。8色眼影入面8隻色都帶有閃粉，有唔同程度嘅閃，就算帶有閃粉都唔會令眼影嘅粉質顯得粗糙。當然如果要同專櫃brand嘅眼影比粉質，當然唔夠好，但以開價brand黎講算唔錯，CP值高～

配色上面，有眼影打底色/眼窩色，一盒就可以化到眼妝，而且可以都可以跟眼影上面分嘅兩邊4色眼影去完成眼妝（盒後面有簡2教學！）。新手都唔容易踩雷/失手。

實際試用上眼～
上眼嘅顯色度比喺手上試色低，不過顯色度可以疊加，疊加眼影都唔會出現結塊又或者唔均勻又或者一達達嘅情況。容易blend開！持久度出乎意料嘅好，喺無上眼影底霜嘅情況之下，夏天帶妝出入室內外大約7個鐘，眼影依然keep到7-8成！（本身算油眼，都習慣會上少粉碎粉喺眼）
另外，呢盒眼影比較適合用番盒入面附送嘅棉棒上妝rather than眼影掃，會少啲飛粉&唔貼妝嘅機會。用手指上都得～

由於全盒嘅眼影都係粉色系，浮腫眼型嘅就要小心配搭眼影盤入面嘅眼影。淺粉紅色都比較容易顯眼腫。