SOFINA Primavista

霧光潤澤粉底霜

首先多謝@cosme 同 品牌sofina 給予試用新產品嘅機會。以下係試用一周嘅感想：

今次嘅產品係一款幾特別，要用帶海綿滾輪來上妝，粉底係偏潤身粉底霜嘅感覺。海綿都算軟身，觸感幾舒服。第一下沾取粉底嘅時候好似有啲上唔到滾輪，要多碌幾下，等海綿平均沾上粉底。本人係混合性膚質，大多數時間T位都會泛油，兩頰偏乾，所以妝前嘅保濕都會比較注重，呢隻粉底本身強調保濕，有水潤透薄自然嘅效果。

妝前嘅 素顏，有膚色不均，毛孔粗大嘅問題，本身亦有啲雀斑同暗瘡印。以下係上咗半邊面嘅效果，右邊係上咗妝，左邊係素顏，只係碌咗一下，遮瑕到大約4至5成。滾輪上妝亦都算方便簡單，好多位都可以輕鬆塗抹。上完妝感覺貼服，毛孔都有被修飾到，但就冇辦法再Build up遮瑕度，最後係冇做定妝。經過大約七個鐘頭，T位同鼻翼附近地方有明顯 出油，不過唔太影響妝感，脫妝情況唔明顯，冇咩變色氧化問題。基本上本人對呢個粉底係相當滿意，持妝度保濕度唔錯，偏乾肌膚打好保濕抵用會更加好，唔會顯乾紋。

但最令人扣分嘅係，唔知點解用完滾輪之後，成個粉底表面會好多塵埃，個人完全接受唔到，唔知有冇其他人都有我呢個情況呢？最後多謝提供試用嘅品牌，希望下次可以再使用更多唔同嘅產品，謝謝。