SOFINA iP

角質層修護凝露

再次多謝 @cosme 抽中試用Sofina Ip既產品❤️

今次試用品係正裝90g 升級土台美容液 + 160ml 角質層修護凝露。

上回講到，我對土台美容液有好高既評價，可惜同系列既角質層修護凝露相比之下，即刻被比下去。雖然兩者係唔同類型既產品，但都係強調 "保濕，預防乾燥缺水，維持水潤" 既效果。

角質層修護凝露 顧名思義，透過修護受損既肌膚角質層，恢復角質層細胞既儲水能力，將水份鎖住喺細胞入面，從而達到深層滋潤持久保濕既效果。

以上係產品講既功效，但我用完好似感受唔到咁強既威力，純粹覺得：啊，算係幾保濕，不過不失

無論係即時定長期效果，我都感受唔到用前用後有明顯既分別。唯一可取既係，每次用既份量唔需要好多，可以用好耐，再觀望返售價，性價比算唔錯。但我相信好多開架既品牌都做到同樣甚至比佢好既效果，所以唔抗拒繼續用，但未必會回購。