SOFINA iP

升級土台美容液

首先多謝 @cosme 抽中試用Sofina Ip既產品❤️

今次試用品係正裝90g 升級土台美容液 + 160ml 角質層修護凝露。一直對於Sofina呢個品牌既印象都停留喺佢最出名既Primavista base，想當年不斷回購，因為支base真係性價比超高，但護膚首選就一定唔會揀Sofina。見到cosme邀請試用，決定俾個機會自己試下無妨，結果打破左我對Sofina既偏見🤣，一試愛上呢支升級土台美容液❤️❤️

我既皮膚屬於混合性偏乾，面頰毛孔都幾顯眼，額頭長期乾有細紋，鼻翼有陣時會甩少少皮，但有某啲日子鼻頭又會出少少油 （真係有啲難搞）。每次化妝，最煩惱既就係卡紋同毛孔粗大呢兩個問題，有時上完粉底仲好似衰過素顏，將啲缺點暴露哂俾人睇，所以我非常著重妝前保濕。

土台美容液唧出黎好似平時洗面啲泡泡咁。睇返產品介紹，呢支美容液其實係一支慕絲精華，入面有豐富既碳酸分子，加速皮膚新陳代謝，幫皮膚注氧同排走老廢物質。重點！佢既精華濃縮到只有1/20毛孔大細，可以完全深入毛孔，唔會搽完好似冇搽咁，真正令皮膚飲飽水。一支聲稱可以解決缺水，暗沉，粗糙，紋理，乾燥等各種問題。我第一晚試用，一搽上面真心wow左一聲! 完完全全感受到啲精華吸收哂入皮膚，毛孔冇咁明顯，面係水潤左有光澤左！好似好耐冇試過有支精華令我有驚豔既感覺。即時效果非常明顯！特別係早上用完再上妝，成個妝都好貼服，我而家唔再擔心前一晚唔夠訓導致上唔到妝，因為土台美容液的確解決到乾燥缺水問題👍🏻👍🏻

如是者我試用左3個禮拜。長期效果黎評價 - 我覺得整體皮膚冇咁暗沉係真既。但，毛孔長遠黎睇冇明顯收細。雖然搽完精華個一剎那個狀態係perfect😍，但第二朝訓醒啲毛孔好似打回原形咁， 所以我只可以俾到6分。

不過我依然會選擇回購，因為當佢係一支妝前精華咁用，真係值滿分💯！

Before:
After: