Vaseline

蘆薈舒緩潤膚露

首先多謝 @cosme 邀請試用Vaseline蘆薈舒緩潤膚露，屋企一直用開Vaseline嘅產品做日常基本保濕，一向都覺得好好用。呢款嘅質地就係正常lotion嘅樣，好易推開，清爽水潤嘅，塗完後唔會黏膩，聞落有淡淡嘅草本植物香味，個人唔太鍾意蘆薈味，所以平時都用開另一款深層修護做保濕。

試用期間每日早晚用一次，每次用一泵，我嘅手本身唔算太乾，不過天氣轉變有時都會乾燥痕癢，個人覺得蘆薈味本身無深層修護個款咁補濕，但幾適合夏天使用，做到基本保濕鎖水不乾癢。

如果鍾意塗左上手可以保濕但又無咩黏膩感覺嘅lotion，絕對可以考慮呢款，大大支，方便擺屋企用，唔駛驚敏感，幾時都用得。