Vaseline

蘆薈舒緩潤膚露

首先感謝cosme抽到我，可以比我一試Vaseline既蘆薈舒緩潤膚露。🫶

Vaseline一直都係出名修復能力極高既牌子來，尤其是係佢個個細細盒既Vaseline膏……完全係人人屋企必備既一樣急救用品來。我對呢個牌子既印象完完全全停留左係呢個階段，所以有得試佢其他既產品真係岩岩好。☺️

首先外觀啦，就成支都係實色綠色，無咩特別既設計。只有佢既LOGO同埋成份，其實都算係佢呢個牌子一向既設計黎，所以無咩好講。以現代同埋我呢個歲數來講，外觀上唔算得上吸引。🤔

我既身體肌膚算係一年四季都係偏乾既狀態，🫣而因為香港既長期潮濕天氣，我個人極之討厭用後會感到黏稠既潤膚乳。佢呢支話係用後不黏，沖完涼後用真係差不多10分鐘已經唔再痴手，呢點佢的確做得唔錯。😳

到保濕效果啦，24小時保濕呢，我自己就覺得佢差少少。以香港春季既天氣，我試左夜晚沖涼後用，第二朝起身叫okay，但如果出埋街番屋企就已經叫無左個潤滑感。🤓我個人傾向呢支可能係朝早出門前查會好D，而夜晚就配合用番佢另一隻深層修護。

另一樣我唔太鍾意既一點係，佢既氣味……我相信佢係無添加其他既香精，但氣味上想來講佢係一大缺點。隻味唔叫好聞，但幸好既係佢唔重，所以薄薄地一層氣味消失得快。我個人其實幾在意氣味，而且潤膚露係最後一環，所以被一種唔叫怡人既氣味作為結尾，我自己就唔太鍾意。所以呢一點上我NoNo。😞

不過講到尾，一支400ml，36.9 HKD。以佢既價錢來講，佢可以有達到呢個功效同埋咁既份量已經叫無野可以投訴。一支一家四口用成個幾月都得，真心佢真係好實惠。🌟🌟

如果想經濟實惠，我強烈推薦呢一支比身邊既人。👍