CAUDALIE

葡萄蔓極緻淡斑亮白精華

感謝@cosme 比我有機會試用Caudalie葡萄蔓極致淡斑亮白精華，Caudalie一直主打葡萄籽系列天然成分護膚品，未開始用已經好期待。包裝簡單清新，欣賞佢用滴管設計，方便控制用量。精華睇落同一般lotion差唔多，聞落有淡淡嘅天然植物香味，啱啱接觸到皮膚時，係有啲黏稠嘅乳狀質地，好易推開同吸收。塗左薄薄一層係面上，即時feel到肌膚有層好明顯嘅屏障，最近天氣悶熱，初時會有小小黏膩感，面部好快就吸收到，剩聞到若隱若現嘅香味。我本身係敏感肌，T字位易出油，連續用左一個禮拜，都無過敏或者生痘痘，膚色仲顯得均勻左啲，相信持續用落去，亮白效果會更明顯。

美中不足嘅係，可能因為用得唔耐，淡斑效果近乎零，我本身有少少雀斑，一個禮拜落來唔太感受到淡斑效果，相信要持之以恆先feel到。如果用完呢樽，見到淡斑效果，先會考慮回購。