KANEBO

平衡煥妍精華水

好開心入選左Kanebo試用活動，有機會試用全新推出嘅「平衡煥妍精華水」，見到產品介紹話精華水透過吸附惡性皮脂去穩定肌膚狀態，就覺得特別適合油性肌膚喺呢排轉季，空氣濕度同氣溫忽高忽低之下使用

「平衡煥妍精華水」嘅水油黃金配方= 98：2，倒出黎嘅質感係偏流質，清爽中帶點滋潤，完全唔黏笠，輕輕拍上臉再輕加按摩，好快已經完全吸收

用完「平衡煥妍精華水」之後再上serum, gel cream，之後再化妝，可能因為個底打得好，鎖水做得足同埋吸附左惡性油脂，完妝三小時後，油脂分泌好明顯比之前少左，妝容亦都維持得比較完整

持續用左七日之後，無再出現因油脂分泌過多而導致嘅閉口同粉刺，明顯地感覺到肌膚更平滑同透亮，所以打好個底真係好重要，免卻左好多之後要處理皮膚問題嘅煩惱！