LAURA MERCIER

極緻潤澤養膚底霜

平時化妝一定會用到嘅一定係妝前乳。Laura Mercier新推出嘅極緻潤澤膚底霜係目前用過同類型產品中嘅數一數二。

LM嘅膚底霜係比較水性，好似gel同乳液中間，唔會咁油。係好light咁係你皮膚上做左一個保護罩。睇落好似係淡淡嘅顏色，但上面後無色無味，質感輕柔，非常易推。感覺係多搽一層護膚品。搽上面後唔會覺得厚厚一層，係完全唔會感覺到搽左一個layer。感觀上，皮膚睇落亦變得柔和，而並唔係油淋淋。上妝或直接上碎粉亦都非常貼服同自然。

如果最近想係夏天換一隻比較輕盈但又可以keep到妝效嘅base，可以試試Laura Mercier極緻潤澤底霜。再配埋佢地嘅柔光透明蜜粉，妝容一定可以維持一整日。