d program

酵母益生元修復面霜

首先感謝 Cosme 提供今次試用機會！

因為本身係暗瘡肌底，而資生堂旗下品牌D program又係幾出名既敏感肌牌子，一直都想試試呢個牌子既產品係咪真係甘好用。

個人情況：30代/暗瘡肌底/混油肌

「酵母益生元修復面霜」使用後感，面霜入面有小匙，質地比較厚身，但容易推開，小小份量已經夠全臉用，我都會順便搽埋頸。

我個人覺得吸收程度中等，搽上面後需要時間吸收，即時鎮靜的效果中等，乾燥冬天天氣使用後可以止乾癢，同埋面霜有抗敏溫和成分 （艾草同埋橄欖葉萃取精華），面霜使用左大約兩星期，上臉後無敏感情況發生。降紅就唔算明顯，因為近日暗瘡肌膚況比較反覆。

因為有用酸類去角質，近日鼻頭有少少脫皮，用左面霜鼻頭脫皮有改善，有做到修復同加強肌膚屏障效果，膚況有更穩定。

個人意見夏天的話我會覺得質地較厚重，面霜比較適合冬天比較乾燥或者轉季皮膚乾燥處加強修復的時候用。而面霜因為香港就快又到春天潮濕既天氣，會等比較乾燥時候再用。