d program

5X酵母益生元保濕強韌精華

首先感謝 Cosme 提供今次試用機會！

因為本身係暗瘡肌底，而資生堂旗下品牌D program又係幾出名既敏感肌牌子，一直都想試試呢個牌子既產品係咪真係甘好用。

個人情況：30代/暗瘡肌底/混油肌

講下「酵母益生元保濕強韌精華」試用感，精華質地輕薄，非常易推開，要注意唔好一下禁太大力，輕輕力半下/一下已經好夠全臉使用。

上臉後亦都好快吸收。我主要係朝早化妝前護膚打底用，而上臉後也都冇同化妝品有「打交」既情況，唔會有擦膠碎出黎。

感覺上即時舒敏效果唔錯，以香港近日乾燥冬天的天氣，洗臉後有緊繃乾燥感，精華上臉後感覺明顯水潤，乾燥情況有明顯改善。

因為做去角質後鼻頭有少少脫皮，只上精華未有太大效果，再加上同系列的面霜，脫皮有改善。我個人覺得呢支精華有做到修復同加強肌膚屏障效果，暗瘡肌用後也冇出現敏感或者引致新暗瘡/暗粒的情況出現，膚況有更穩定。

使用時間大約係兩星期，面上細紋未有明顯見到減淡，但肌膚的彈性和光澤度有改善，大概要長時間使用效果再明顯。

總括黎講，我個人會持續使用酵母益生元保濕強韌精華，也會考慮再購入精華，精華比較適合冬天、春天、秋天乾燥容易敏感的天氣使用。